Recentemente
o seleccionador galego de Fútbol Gaélico estivo de visita en Vigo onde realizou
unha clase maxistral aos xogadores de Keltoi nas instalacións do Campo de
fútbol do Apóstol Santiago.
O
fútbol gaélico é un deporte de orixe irlandesa, que ten consideración de
deporte nacional nese país e a grandes liñas é unha mestura entre o fútbol e o
balonmán, onde o obxectivo é marcar máis puntos que o rival ben marcando goles
na portería (con valor de 3 puntos) ou lanzando o esférico entre 2 paus
similares aos existentes en rugby (con valor de 1 punto)
O
fútbol gaélico é un deporte especialmente de habilidade, ofensivo e que ten un
ritmo frenético que engancha rapidamente. A pesar de moitos non o coñezan é un
deporte moi antigo, de feito a GAA, a institución que o regula, naceu no ano
1884 (moito antes que existise a FIFA por exemplo).
En
Irlanda a final de fútbol gaélico do All Ireland é o evento do ano e reúnense
máis de 85.000 espectadores no Croke Park de Dublin. De feito, na última final
previa ao Covid, houbo máis espectadores vendo o partido en directo que na
Final da Champions League entre o Liverpool e o Tottenham.
A
pesar de mover cifras millonarias en Irlanda, fútbol gaélico é totalmente
amateur e non está permitido cobrar por xogalo, así como de fichar xogadores
doutros clubs, permitindo con iso unha igualdade entre os clubs e condados que
axuda a crear un vínculo especial entre o público e os clubs, xa que todos os
beneficios das entradas e publicidade retorna aos clubes locais.
A
Galicia chegou o fútbol gaélico hai 10 anos e é o único territorio de España
onde existe unha liga regular deste deporte, aínda que existen outros clubs na
península formados fundamentalmente por expatriados irlandeses; por este motivo
Galicia está recoñecida como condado propio e participa de forma oficial en
competicións internacionais, sendo a única selección galega que compite en
mundiais e europeos de forma oficial.
Galicia
tanto en categoría masculina e feminina é unha potencia neste deporte,
alcanzando postos de pódium nos europeos como xogos mundiais celebrado ata a
data.
Co
fin de actualizar e mellorar a técnica dos xogadores galegos, Keltoi Vigo
convidou o seleccionador galego a dirixir un adestramento específico aos
xogadores enfocado na parte defensiva, que se desenvolvo nas magníficas
instalacións do campo de Fútbol do Apóstol Santiago, onde Keltoi adoita
adestrar e xogar amigables.
Para
finalizar dicir que o fútbol gaélico é un deporte federado, que está adscrito
en Galicia á federación galega de fútbol e o club Keltoi Vigo está sempre
aberto á incorporación de novos xogadores e xogadoras que queiran coñecer o
noso deporte. Para máis información sobre o noso club e deporte enviar un
correo a keltoivigo@gmail.com ou na nosa web keltoivigo.es
No hay comentarios:
Publicar un comentario